الجواز بقي عبء ثقيل  ع الطرفين ومفيش مقياس أو سقف للطلبات من جهة العريس أو العروسة  إلا "التوافق" 💙

ممكن ب 100/90الف تظبط حالك لو عندك شقة حتي لو إيجار.. وممكن هي ب 80/70 الف تظبط حالها  أجهزة وفرش .. 💙

ومتدخلش نفسك ف مقارنة مع غيرك  لان ظرفك مختلفة عن ظروف غيرك ..

مش لازم الفرح يكون ف فندف ، مش لازم تجيبي الستاير ماركة  ، مش لازم نجيبي طقم الصيني ب 15 الف ، مش لازم بورسلين ف الشقة  ، مش لازم تجيبي شاشة 52 بوصة وماركة ، مش لازم 2 غسالة  ، مش لازم تجيب نيش ، مش لازم جيبس مبورد ، مش لازم مطبخك يكون ب 20 الف  ..

مش لازم ركنة ب 18 الف ، مش لازم أوضة أطفال دلوقتي وانتم قدامكم سنه ع الأقل أما ربنا يكرمكم  ، مش لازم 50 ملاية سرير  و 70 فوطة ، مش لازم أوضة نوم ب 40 الف ، مش لازم 15 طقم كوبايات ، مش لازم اكتر من لحفين وبطانيتن ، مش لازم فرح يكلف 40 الف ، مش لازم ميكاب أرتيست ب 7 الاف ، مش لازم ، مش لازم ، مش لازم حاااااجات كتير أوي ممكن تختار أبسط الأشياء  من غير ما تداين نفسك من غير ما تدايني والدك .. 💔

بص أحنا قولنا مش لازم كام حاجة بكام ألف ، فيه حاجات متقدرش تستغني عنها بس تقدر تختار منها اللي يناسبك ..! 

 وممكن مليون جنية معاك متكفيش وتلاقي نفسك محتاج تظبط كذا وكذا طالما ف استطاعتك تصرف أصرف  الصرف ملهوش نهاية ..!  

وممكن هي تجيب ب نص مليون وتلاقي نفسها لسه ناقصها حاجات لانها جايبة  ماركات غالية وأشياء أستخدامها بعيد المدي  ..!

علشان بس محدش يقول ده بُخل ، أحنا بنتكلم ف حتت لو الشخصين ظروفهم متسمحش ودخل الشاب  2000/3000 ب الكتير ف طبيعي يكون كل ده حمل عليه

نفس الكلام أهل العروسة  ..! 

 ف مفيش مقياس ولا نموذج يقول أنت لازم تتكلف كام ولا هي لازم تتكلف كام .. 💙

ف نفس الوقت الموضوع مش ب الأستهانه اللي ممكن يتخيلها البعض ، لازم تعطي كل حاجة قدرها ده زواج ، لازم تحس أنك بتكافح  علشانها .. 💙

هو علميآ  أحنا بحاجة لكل الأشياء اللي بتجيبها العروسة وبيعملها العريس ، سوأ اجهزة معاصرة للحاضر أو شقة جميلة بيظبطها ع مزاجه هو وعروسته كل ده جميل جدا لو ف "أستطاعتهم" ..!

لكن عمليآ مشكلتنا هي عدم الإدراك ، خصوصآ مع الناس اللي يمكن بعيدة أو معمية عن الواقع ، ومتعرفش حاجة  عن معاناة والد العروسة ولا معاناة العريس ونفضل نزايد  ونعلي ع بعض ف الطلبات ، أنت هتجيب أيه يعني دي كلها حاجات  بسيطة وكل واحد شايف التاني كدا وكأن الدنيا سهله جدا ..!

والد العروسة عاوز وعاوز  ميعرفش الشخص ده كأفح كام سنه علشان يقدر يخبط ع باب بيتهم ..! 💔

والعريس يتشرط ع أهل العروسة  تجيب أيه ومتجبش أيه وهو ميعرفش والدها هيجهزها أزاي ولا هتصرف كام ، ع الرغم من أن شرعآ هي كَ عروسة مش ملزمة تجيب ملعقة حتي ..! 😁

ومحدش ف دماغه ان الناس بتتداين ب الحاجات دي وهنا المشكلة ، هو أحنا علشان نكون مع بعض نبقي سبب ف أننا نتقل ع بعض ، كام عريس بيفضل لسنه واتنين بعد جوازه بيسدد ف ديون الشقة والعفش ..! 💔

كام أب بيفضل أكتر من سنه بيسدد ف أقساط لبنته اللي ممكن تكون خلفت من أول سنه ..! 💔

وشوف بقي لو عندهم أكتر من بنت ..! 

ف رفقنآ ببعض علشان ربنا يبارك لكم ف حياتكم وف ذريتكم ، والسعادة لا جهاز أخر صيحة ولا شقة ع الطيراز الملكي ، السعادة روح بتطبطب ع روح .