أوعى تدخل ثانوي عام
نصيحة لأولياء الأمور مع ظهور نتيجة الصف الثالث الإعدادي
نصيحة لكل ولي أمر:
بلاش تظلم ابنك أو بنتك و تدخله ثانوية عامة لو مستواه مش عالي و سامحوني عالكلمة دي .. الناس بتظلم ولادها بحسن نية لأنهم عايزينهم يتعلموا و يبقوا حاجة كويسة لكن ربنا خلقنا درجات و الثانوية مش نهاية المطاف و الله .. بتحمل ابنك ضغط و توتر و خوف و مشاكل و عقد نفسية و البيت كله بيبقي في ثانوية عامة معاه .. ناهيك عن المصاريف و الكتب و غيرها ..
أهم نقطة و بقولها بقي لكل أولياء الأمور واهتم بابنك أو بنتك في الحضانة و الابتدائي كويس جداً و لما يكبر هيشق طريقه و يعتمد علي نفسه بأقل مجهود و أقل مصاريف .. لكن تهمله في صغره و المهم بينجح و خلاص يبقي لما يدخل ثانوية إن شاء الله لو صرفت عليه شهريا ٥٠٠٠ج هيبقوا زي اللي بيرقع قماش متقطع ( بلا فائدة للأسف ) .
تعليقات
إرسال تعليق