خلاصة المعلومات المؤكده عن موضوع الضرائب
اولا المطلوب لفتح الملف الضريبي
1-انك تكون فوق 21 سنه
2-عقد تمليك للمنزل او عقد ايجار موثق + ايصال كهرباء حديث
3-صورة البطاقة
ثانيا مجمع اسئلة واجابتها عن الموضوع اللي قدرت اجمعها
- نروح نعمل الملف الضريبي امتي ؟
انتظر ل أول السنه عشان تتحاسب من بداية عام 2022 لان الحساب سنوي .
- مش رايح الضرائب لحد ما يكلموني؟
براحتك انت حر . انا جمعت كل المعلومات الل هاتفيدني وقولت أشاركها معاكو عشان أوفر عليكوا بحث كتير
- أسجل نفسي ايه في الملف الضريبي؟
محدش يروح يسجل نفسه تحت بند تجارة إلكترونية نهائي، لأن من ناحية أنك لا بتبيع ولا بتشتري، ومن ناحية تانية التجارة الإلكترونية عليها ضرايب دخل + ضريبة قيمة مضافة. لكن لما تسجل نفسك مؤلف ، كاتب محتوى أدبي، كدا هتدخل تحت الفئة المعفية من ضريبة القيمة المضافة، وهتدفع ضريبة الدخل فقط.
- لو انت موظف وليك دخل فا بيتم جمع الدخل مع دخل الانترنت وبالتالي بتدخل في شريحه ضريبه عاليه ؟
الحل انك تعمل الملف الضريبي باسم الزوجه من خلال فتح حساب بنكي لها وتستلم الحوالات باسمها
- لو حاولت تفتح حساب بنكي باسم الزوجه ومعرفتش لانها غير موظفة او لو عاوز يكون لك تحكم ع الحساب البنكي؟
الحل تروح البنك ومعاك الزوجه وتضيفها شريك ف الحساب البنكي بتاعك وبكده تقدر تستلم باسمها علي حسابك وكمان ليك التحكم ف الحساب البنكي
- لو حاولت تفتح حساب بنكي دولاري باسمك ومعرفتش لانك طالب؟
الحل تروح البنك و والدك هو الل يفتح الحساب ويدخلك ف الحساب شريك وبكده تقدر تستلم باسمك علي الحساب
- لو انت قاصر اقل من 21 سنه ؟
الحل هاتفتح الملف الضريبي باسم الوالد او الوالده
- لو مصروفاتك كتير ؟
الحل لازم يكون معاك محاسب قانوني لانه هو اللي هايعرف يتعامل معهم و يثبتها في الاقرار (انا سألت واحد وقالي ب 1000 جنيه هايخلصلي الاقرار السنوي بس ده غالي طبعا)
- لو مصروفاتك قليلة ومش عاوز تدخل في حوارات و وجع دماغ اثبات المصروفات؟
الحل هاتتعامل بنظام ال 10% يعني مصروفاتك تساوي 10% من ايراداتك أياً كان انت بتصرف كام (يعني ايرادات سنوي 16000 يبقي المصروفات 1600) يبقي الارباح 14400 وبكده انت اعفاء من الضرائب
- لسه جديد في المجال ؟
شوف الحسبة الل في النقطه السابقة لان انت اكيد ارباحك اقل من 15 الف سنويا وبالتالي انت في شريحه الاعفاء ومش هاتدفع حاجه لما تعمل ملف ضريبي
- هما بيجرجرو رجلنا وبعدها هانلبس في ضرائب اعلي؟
لا طبعا و قارن نفسك ب باقي انواع الضرائب هاتلاقينا الاعلي بالفعل
- هما بيجرجرو رجلنا وبعدها هاندخل ف حوارات؟
لا طبعا في عضوه هنا ف الجروب وبتدفع ضرائب من 2017
- هما بيجرجرو رجلنا وبعدها البنك هايقولك حسابك هايبقى تجاري مش شخصي؟
لا طبعا لانك بتتحاسب بضريبه الدخل يعني زيك زي الموظف الل بيقبض راتبه ع حساب شخصي بالعكس ده بياخد اعفاء من وجود حد ادني في الحساب
- افضل بنك من حيث الاوفر ف المصاريف والعمولات هو ؟
بنك ابو ظبي حساب توفير دولاري
العمولة صفر علي الحوالة
المصاريف الاداريه 40 جنيه بالعملة الاجنبيه كل 3 شهور
الحد الادني لرصيد الحساب لتجنب الغرامات هو 1000 جنيه بالعملة الاجنبيه ولو قل بيكون فيه غرامه 25 جنيه بالعملة الاجنبيه شهريا
بيطلب اثبات مهنه بالبطاقة
وأخيرا انا كده جمعت خلاصة المعلومات و وفرت عليك البحث واللي هاتفيدك لو هاتفتح الملف الضريبي . وانت حر طبعا تفتح ملف او لا
والسلام عليكم ورحمه الله وبركاته
تعليقات
إرسال تعليق