إزاي تذاكر صح ....مقال بالعامية

 ازاي تذاكر صح ؟؟ 

 ايه الفرق بين المذاكرة العادية و المذاكرة صح ؟؟ 

حبيت نفتكر مع بعض الفرق 🙂😍

-- الفرق كتيير .. لأنك لو ذاكرت صح , نسبة انك تنسي بتكون قليلة جداً .. و وقت مذاكرتك بيقل .. طيب ده يحصل ازاي بقي ؟؟🧡

_اولاً : لازم تشوف المُذاكرة بشكل مختلف ( المٌذاكرة مش يعني حفظ و تسمييع ! المُذاكرة يعني فهم حقائق , فهم معلومات .. فهم حاجه اكييد هتنفعني ف يوم .. و ان منفعتنيش ف الحياة العملية ف اكييد هتفدني ف حياتي الشخصية و زيادة مستوي ذكائي )🧡

_ ثانياً : خلي المذاكرة شئ ممتع ( يعني لو احنا عندنا الدراسة عبارة عن " رغي ف كُتب " غير انت المنطق دة .. عندك الانترنت .. تقدر تعمل search فيه علي كُل موضوع ف مذاكرتك .. هتلاقي ابحاث و فيديوهات و امثلة و تجارب و 100 حاجه ممتعة عن الموضوع ده واكيد فى النظام الجديد الخطوه دى مهمه جدا  )🧡

_ ثالثاً : نظم وقتك ( مفيش حاجه اسمها افضل 6 ساعات بذاكر !! اصلاً قدرة عقلك متستحملش دة ! ف مثلاً بما اننا ف  .. ابدأ حط خطة من دلوقتي .. هتذاكر ايه يوم ايه لمدة قد ايه و ال Break هيكون قد ايه و هتتأكد انك فهمت ازاي و هتراجع المُراجعة الاخيرة ازاي .. و هكذا )🧡

_ رابعاً : ذاكر بس لمدة 30 دقيقة و خد Break لمدة 10 دقائق .. لأنك لو طولت عن كدة المعلومات هتبدأ تطير (30 دقيقة مذاكرة + 10 دقائق راحة) و كرر المعادلة دي لغاية ما تخلص الجزء الي وراك .🧡

_ خامساً : الشقة كُلها بتاعتكم ! مش لاقي غير السريير الي تذاكر عليية !!! السرير دة اكتر حاجه هتفصلك عن التركييز .. حاول دائماً تدور علي مكان مريح بس مش للنوم و تكون الاضاءة فيه كويسة .🧡

_ سادساً : اكتب كل الحاجات الي شاغلة دماغك ف ورقة .. بجد .. كُل حاجة كُل حاجه .. بعد كدة قطع الورقة دي و ارميها .. التجربة دي اثبتت ان الحاجات دي نسبة انها تيجي ف دماغك تاني بتقل🧡 .

_ سابعاً : ابدأ دايماً اعمل Notes فيها اهم المعلومات الي وصلتلك ( و الي ف الاغلب بتيجي ف الامتحان )🧡 وقسمها على 3 مراحل A,B,C  

الاهم فالمهم 

_ ثامناً : ابدأ باكتر حاجات مهمة وانت عارف انها مهمة قبل ما تستهلك طاقتك الذهنية و البدنية🧡

_ تاسعاً : اربط المعلومات الي ف الموضوع الواحد ببعضها زى الخريطه الذهنيه من الحاجات اللى هتساعدك تربط وتتذكر المعلومات بسهوله🧡.

_عاشراً : قوم نام بقي ... لأ مقصدش دلوقتي اقصد نام كفاية و بالذات ف الايام بتاعت الامتحانات  عشان تدخر اكبر قدر ممكن من تركيزك و نشاطك .🧡 

ربنا يوفقكم 🧡.