طريقك لاحتراف اللغة الإنجليزية 

مقال من الاخر واي حد عاوز يتعلم لغه انجليزيه بجد هايستفاد جدا

-بص ياسيدي انا روحت لكورسات كتير ومراكز تعليميه كتير وماستفدتش حاجه نهائي وعرفت ان 95٪ منهم سبوبه مش اكتر. والمراكز الكويسه مش موجوده الا تقريبا هما 4 مراكز بالكتير في القاهره. ولكن قررت الاعتماد علي نفسي واحط خطه للدراسه واجمع الماتريال بتاعتي بمجهودي خصوصاً بعد ماعرفت ان الكورسات دي سبوبه، لاني كنت زمان مقتنع ان الانترنت معلهوش ماتريال كويسه وانها ذات قيمه قليله عكس المدفوع وكنت غلطان جدا. الخطه الي هابعتهالك دي انا قعدت اكتر من 4 شهور ابحث عنها ( يعني نزلت اكتر من 100 كتاب وقعدت اقارنهم واختارت افضل كتاب فيهم فقط، شوفت اكتر من 30 قناه وفرزت الافضل فقط، وهكذا) لذلك البوست ده هايكون طويل شويه ولكنه بوست من الاخر واي حد عاوز يتعلم لغه انجليزيه بجد هايستفاد جدا فيابخت الي هايشوف البوست ده لان ده كنز بمعني الكلمه الصراحه كل معلومه هاقولهالكم هنا مدفوعه فيها فلوس ولكن هاقوهالكوا ببلاش ،، نتيجه حضوري لايفنتات كتيره لمدربين كبار فاللغه وهاتكلم النهارده عن ( ازاي اتعلم الانجليزي بطريقه صحيحه ) ،، ( وبعض المعلومات المغلوطه عن الانجليزي ) ،، صدقيني بعد البوست ده مش هاتحتاجي تسألي حد تاني ولا حد هايضحك عليكي ،، يلا نبدأ 😊

1- طريقه حفظ الكلمات اوعا اوعا تحفظ الكلمه الانجليزيه وجنبها الترجمه بالعربي منفرده ( زي القوائم كدا بتاع المدارس) لان كدا هاتخليك تتكلم انجليزي ببطئ شديد ،، ومش هاتعرف تفكر بالانجليزي ،،، وهاتعود عقلك ع الترجمه ومش هاتكتسب طلاقه ،،، انما الطريقه الصح انك تكتب الكلمه بالانجلش وجنبها جمله صحيحه مثلا من موقع Cambridge dictionary او longman ،،، ويكون معاك كشكول تاني تترجم فيه الكلمه بالعربي بس فكشكول تاني " ماتترجمهاش جمب الكلمه " او ممكن تترجم الكلمات فاول صفحتين من الكشكول وكدا عن طريق ترقيم الكلمات بس اهم حاجه تحفظ جمل ( ولو عاوز تكتب ترجمه الكلمه الانجليزي بالعربي فالاول تمام مفيش مشكله بس الاهم يكون فيه جمله)

2- طريقه الاستماع الصحيحه ،، مفيش حاجه اسمها اسمع فيلم مدته ساعه او ساعتين مره واحده الطريقه دي غلط ،، انما الطريقه الصحيحه وفقا لابحاث كتيره وبيعملوها معظم مدربين اللغه الانجليزيه هيا ال Deep listening وهيا انك تاخد مقطع مدته 5 دقايق فقط وتكرره 10 مرات او تكرره وتعيد وتزيد فيه لمده ساعه ،، لمده 3 ايام ( اول يوم استماع + تاني يوم استماع + تالت يوم repetition ) ( طبعا بعد المستوي بتاعك يوصل ل B2 ويتقدم بعد كدا هاتغير انت الطريقه دي وهاتبتدي تسمع مثلا افلام وكدا مره واحده) لان الفكره هنا اننا بنكرر الحاجات الجديده الي مش عارفينها.

- ملحوظه ال repetition الي هو تسمع الجمله وتوقف وتقوم قايلاها ورا المتحدث بعد مايخلص وده بيقوي عندك ال pronunciation .

3- ثانيا سيبك من اي واحد يقولك اسمع اغاني لان الاغاني اصلا مابتعلمش خالص لان المغنين ساعات بيطولوا فالكلام وساعات يقصروا فيه فاملهاش لازمه ،،

ثالثا سيبك من الي يقولك اسمع افلام لسببين ان معظم الافلام لهجتهم لهجه عاميه فالبتالي مش هاتفيدك لو انت عاوز تعمل ايلتس وكدا ،،، غير ان الافلام مابتعلمش حد إلا من المستوي المتقدم C1 ,,, غير ان لازم افلام معينه مش اي فيلم لان الي هاتسمعي هاتتكلم بيه فامينفعش تسمع افلام اكشن او جريمه. انا مابفضلش الافلام خصوصاً في الاول وسيبك من الاوديوز التقليديه لانها هري علي الفاضي لان الكلام بتاعهم اصلا كلام مش للمحادثات بمعني يقولك

hello , how are u

- fine thank u

كل ده غلط لان الامريكان مابيقولوش كدا اصلا فيه كلام كتير تاني زي how's going on = how are you

4- أعرف ان اللغه بتتكون من

(listening , speaking , reading , writing , vocabulary , grammar , idioms , chunks , pronunciation)

فامينفعش تقعد تهتم بحاجتين او 3 من دول وتهمل الباقي

5- مفيش حاجه اسمها تذاكر شهرين وتبطل لان اللغه ممارسه وبتطير بسرعه وبالتالي لو وقفت في نص الطريق هاترجع تاني تبدأ من الاول.

6- مفيش حاجه اسمها شهاده معتمده فالانجليزي وانك تروح كورس يقولك هاتاخد شهاده معتمده وموثقه من جامعه اكسفورد كل ده نصب لان الشهادات المعتمده دوليا وعالميا هما ال ( TOEFL , IELTS) فامتخليش حد يستغفلك

7- مفيش حاجا هاخد كورس انجليزي يعلمني الطلاقه ف 3 شهور او 6 شهور كل ده ضحك علي الدقون والله لان فيه ابحاث جامعه كامبرديج عاملتها والنتيجه كانت عشان توصلي لمستوي كويس فاللغه تقريبا B2 فانت لازملك مزاكره من 1000–1200 ساعه منهم لا يقل عن 350 ساعه استماع و 175 ساعه تحدث عشان كدا تلاقي ناس بتقول انها مش عارفه تكمل مشوار الانجليزي فأنتي لو مكملتيش ال 1000 ساعه مزاكره يبقا انت كدا بتحكم على نفسك بالغلط وبتظلمها.

8- وفقا للقاعده رقم 7 مفيش حاجا اسمها " اخلص انجليزي فكام شهر " العمليه دي بتتراوح من شخص لشخص ومن مستوي لمستوي ومن عدد الساعات بمعني انك لازملك 1300 ساعه مزاكره فالو خلصتيهم ف 6 شهور هاتوصل ولو خلصتهم في 3 سنين هاتوصل.

9- وفقا للقاعده رقم ٨ فادي اجابه تفصيليه لكم عدد الساعات اللي محتاجينها بالظبط بالادله

السؤال الذي يسأله الناس هو ( كم الوقت المستغرق او الشهور المستغرقه لأصل لمستوي معين؟) هذا سؤال خاطئ جدا لانه بيعتمد علي وقتك الي انت مخصصه لدراسه اللغه بمعني الي بيزاكر ساعه يومياً مش زي الي بيزاكر 6 ساعات فاليوم، فالاول ممكن يصل لهدفه ولكن ليس قبل سنه ونصف او سنتين علي حسب بقا مايخلص عدد الساعات، اما الثاني فممكن يخلص في 6–9 شهور. فاكله علي حسب اهتمامك باللغه

وأخيراً نقطه مهمه، لتستطيع التحدث بأي لغه لازم اهم شئ هو الممارسه، ولو تابعت اي حد وخلصت ال 12 مستوي بدون ممارسه فايعتبر بلا فائده ولا حتي لو كنت بتاخد كورس في هارفارد. لان الطفل الصغير تعلم اللغه بالاستماع والتحدث، يجب ان تسمع يوميا من ساعه الي ساعتين في اليوم وتتحدث يومياً ساعه. وتقرأ 15–30 دقيقه. هذه اهم شئ في اللغه ولا تنسي حفظ الكلمات في جمل يومياً بهذه الوصفه مع مساعده قنوات مثل ابراهيم عادل لتأخذ القواعد وتفهم جوانب اللغه بشكل افضل هاتحقق كامل الاستفاده. بالتوفيق.

-بالتوفيق فين بس ياحمد... المصادر والماتيريال فين.. انت هتسبيني لايص كدا.

طيب ياسيدي بهزر 😅 كدا خلصنا النصائح ندخل علي الماتيريال بقا والمصادر.

_____________________

- بالنسبه للاستماع طبعا انت هاتمشي بالطريقه الي شرحتها فوق ودي كورس power English ل AJ Hoge سعره تقريبا 100$ ولكن الي اشتراه نزلهولنا ببلاش ،، الطريقه انك هاتسمع كل فايل في اسبوع هاتخلصوا علي 7 شهور تقريبا 👇 ولكن قبل ماتبدأي فيه ابحث علي جوجل واليوتيوب طريقه مزاكرته ازاي وعمتا هاتلاقي الطريقه في اول درس بتاعه الي اسمه intro

-هتلاقي اللينك اول كومنت

- وده بقا برضو للاستماع ل AJ Hoge بس ده للناس الي مستواها قوي شويه B1 " متوسط" ولكن انصحك تبدأ بالكورس الاول له افضل وده اللينك 👇

Learn Real English Conversations

وممكن تاخدي اوديو واحد يوميا وتكرره من مواقع زي BBC 6 minutes English او Voice of America لزياده فرصتك في الاستماع.

ا ا ا ا ا ا ا ا التحدث

تطبيق من الاخر بيتكلم مع اجانب و 24 ساعه براحتي وببلاش من غير فلوس نهائي ومحدش يعرفه من العرب الا القليل لانه صعب شويه ولازم سرفر معين لازم حد يعملك دعوه عليه 

التطبيق اسمه Discord هاتنزلي الديكسورد الاول وبعد كدا تفعل اكونتك عن طريق انك تدخل ع الاعدادات ثم الاكونت ثم اضغط علي تفعيل الاكونت هايوصلك تقريبا رساله تانيه علي الجيميل او هايطلب منك رقمك وبتفعليه. الخطوه ديه مهمه علشان لو مفعلتهوش مش هاتعرفي تدخلي ع الرابط. بعد كدا بتدخل علي الرابط ده

Daddy | DISBOARD: Discord Server List

ده سيرفر اسمه Daddy اغلب الي عليه امريكان ، حاولي تتكلمي في غرفه فيها 3 اشخاص بس . فيه سرفر تاني للامريكان اهو بس لازم يكون عمر اكونتك مش اقل من 7 ايام الرابط اهو

♡ PlayRoom ♡ | DISBOARD: Discord Server List

وده اكبر سرفر عليه ناس بتتعلم انجليزي بس مش عليه اجانب، اغلبهم عرب وروسيين وفرنساويين وبرازليين وكدا بس يعتبر السرفر المفضل لاي حد مبتدأ ومستواه قليل لانك بتتكملي مع ناس لسا بتتعلم, عكس لما تتكلم مع سيرفر الاجانب بتحس انهم بيتكلموا بسرعه وبيتخنقوا من اللي مستواه ضعيف، فالما تقوي مستواك ابقي ادخل الاجانب ، عمتا السيرفر اهو اسمه English

اما لو عاوز تعرف المكان الي بتجيب من عليهم السيرفرات هاتكتب علي جوجل English server discord وتضغط اول لينك هاتلاقي فيه سيرفرات كتيره ، بس لازم تبعملي علي Member count الي هو البحث بواسطه اكبر عدد عليه ناس.

لو مفهمتش فيه عندك تطبيق تاني اقل منه شويه ولكن كويس برضو اسمه Lingbe

ا ا ا ا ا ا ا ا ا االكتابه

تقدري تتكلم مع اجانب علي التطبيق الي بعتهولك بتاع التحدث اوو لو عاوزه تتكلم مع روبوت اللي ناتيف اسبيكر

Replika: My AI Friend - Apps on Google Play

القنوات

فيه كتيير جدااا بتعلم الانجليزي ومن الغلط انك تشتت نفسك بين القنوات الكتير وتاخد معلومه من الشرق ع الغرب فانا جمعتلك خلاصه القنوات ،، دي منحه مجانيه مقدمه من الجامعه الامريكيه فيها 3 مستويات زي الي بيتشرحوا فالجامعه الامريكيه بالظبط 👇 ودي زي الكورس الي فالجامعه الامريكيه بالظبط فيها 80 فديو كل فديو لمده ساعه ادخلي علي ال Playlist وابداي من المستوي الاول

English For You

 قناه Zamerican English 👇

واجهتك مشكلة في الجرامر

قناة دروس اونلاين

مصدر للكلمات.. كتاب 

 4000 essential Words

لو استفدت من المقال ما تنساش تعمله شير ..عشان زكاة العلم نشره.. 

بالتوفيق.😉