حتى لا يضيع حقك بعد ظهور نتيجة التنسيق

طلاب المرحلة الأولى لتنسيق الجامعات

نركز في الكلام دا كويس قبل مانتيجة المرحلة الأولى للتنسيق تظهر 

1- اول ماالموقع يقولك " نتائج المرحلة الاولي " هتدخل زي مادخلت علشان كتابة الرغبات بالرقم السري ورقم الجلوس علشان تشوف النتيجه بتاعتك

2- هتلاقي مكتب التنسيق مرشحلك كلية دا معناه انك اتقبلت في الكلية دي خلاص ناقص بس انك تروح تقدم ملفك في الكلية 

3- الناس اللي هتقبل بالكلية اللي جاتلها هتطبع بطاقه الترشيح دي لانها من ضمن الورق اللي هتقدم بيه في الكلية وتنظهر اسبوع تقريبا وهتلاقي الكليات بتعلن عن انك تروح تقدم وهنزلك الورق المطلوب بالظبط 

4- طيب انت مش عاجبك الكلية اللي جاتلك من مكتب التنسيق وعايز تحول !! اه من حقك تحول لاي كلية تانيه بس شرط يكون مجموعك جايبها في الحاله دي هتطبع برضوا بطاقه الترشيح احتياطي أو تاخدها اسكرين علي الموبايل وهتنتظر الموقع يفتح التحويلات وتقليل الاغتراب وهشرح برضوا في بوست التحويل بالظبط سواء المناظر أو الغير مناظر 

5- طيب نفترض أن جاتلك كلية عايزها بس في مكان بعيد شوية . وعايز ترجع محافظتك هتطبع برضوا بطاقه الترشيح أو اسكرين له علي الموبايل وتنتظر موقع يفتح تقليل الاغتراب وفي حاله انك عملت تقليل اغتراب واترفض للاسف . السنه اللي فاتت الموقع فتح اكتر من مره لناس كتير ساعتها لو فتحلك تاني بعد رفض تقليل الاغتراب تقدر تعمل تحويل أو لو حابب الكلية يبقي مافيش قدامك غير انك تقضي سنه في المكان البعيد دا ثم تحول بعد سنه 

6- طيب بعد نتيجة المرحله الاولي ماتظهر هنعرف بعض الكليات اخدت من كام ودول طالما عرفنا اخدوا من كام يبقوا مش نازلين مرحلة تانيه واكتفوا من الاولي 

7- الناس اللي هتكتب رغبات المرحله التانيه هتبقي نفس خطوات المرحله الاولي بالحرف باختلاف بس قائمه الكليات هتقل طبعا علشان في كليات هتكتفي من الاولي ومش هتنزل تانية 

8- الناس اللي بتقدم علي الجامعات الأهلية والخاصه دول شغالين اختبارات عادي دلوقتي امشي فيهم براحتك لكن أوعي تنسي تنسق في تنسيق الحكومه ولو اتقبلت في كلية حكومه وخاصه لازم تقرر تدخل اي فيهم مينفعش تدرس حاجتين في وقت واحد