القائمة الرئيسية

الصفحات

كل ماتريد معرفته عن نظام المنازل ومميزاته

 ثانوي عام منازل .... كل ماتريد معرفته



 اولا / نظام الدراسة نفس الثانوي العام بالظبط بس الاختلاف مش هتروح المدرسة غير علي الامتحانات مباشرة


ثانيا / مفيش تابلت ليك وبالتالي هتكون امتحاناتك ورقي بالرغم انه مفيش تسليم كتب 


ثالثا / نفس النظام ونفس الامتحانات ونفس كل حاجه مفيش اي اختلاف غير انه لو بيمتحنوا تابلت انت هتبقا ورقي بس 


رابعا / ممكن تشتري الكتب من اي مكان لكن اذا مش هتقدر تشتري الكتب كلها من برا ينفع تنزلها pdf من علي النت علي  اي تلفون وده عن طريق الدخول على موقع الوزارة قسم المناهج


خامسا / ختم البطاقة اللي هتحتاجه بيتكتب فيها بدون عمل ولكن الكلام ده ليه حلول انك ممكن تطلع البطاقة  بعد سنة 3 ثانوي او لو عايز تطلعها في وقتها يبقا تختمها من وظيفة الوالد والختم بيكون هو الضامن فيه


سادسا / بالنسبة للتقديم في نظام المنازل تقدر تقدم من اول شهر 10 لحد قبل الامتحانات بشهر وعادي اذا بدات دروس وبتذاكر وقربت تخلص المنهج ولسه مقدمتش عادي هما كده كده هيقبلوا متقلقش 


سابعا / اي ورق هيتعمل بعدها  سواء كانت شهادة استمارات اواي  ورق رسمي متقلقش هيتكتب فيه ثانوي عام زيك زي   الانتظام مش هيتكتب منازل خالص


ثامنا / مواعيد الامتحانات زي الانتظام ونفس المدرسة والجدول وكله ومفيش اختلاف في اسئلة الامتحان وكلها اختياري 



تاسعا / بالنسبة للدروس والناس اللي لسه مبداتش لحد دلوقتي عادي مفيش مشكلة بس انت قدامك فرصة انك تبدا وتذاكر وتعمل اللي عليك ومش شرط تاخد دروس ابدا ممكن تذاكر وتدرس اونلاين وفي برنامج اسمه ( الثانوية العامة ) ده خرافي انصحكم تنزلوا في كل حاجه تتخيلها كتب امتحانات اسالة ملخصات حصص فيديو والخ .. 


العاشرة والاخيرة / ونيجي لاخر حاجه وديه نصيحة هي انه محدش يقولك انه المنهج صعب او الثانوي صعبة وقرف ومش عارف ايه اللي عايز يذاكر هيذاكر حتي لو في الشارع اهم حاجه تحط اهلك قدامك وشوفهم لو سقطت مثلا هيكونوا زعلانين ازاي مع  انهم عاملين اللي احنا محتاجينه 



هل اعجبك الموضوع :

تعليقات

4 تعليقات
إرسال تعليق

إرسال تعليق

التنقل السريع